Rieksie Rautenbach: Baasspeurder

Rieksie Rautenbach is nie jou gewone speurder nie. Sy is ’n taai, vreeslose rabbedoe met ’n sterk sin vir geregtigheid en ’n talent om haarself reg in die middel van gevaar te bevind.

In dié klassieke Suid-Afrikaanse aksie- en misdaadreeks pak Rieksie misdadigers kop-aan-kop aan. Van gevaarlike jaagtogte en skurke tot bakleiery, waaghalsige toertjies en spannende ondersoeke – Rieksie laat haar deur niemand intimideer nie.

Met haar vinnige denke, vasberadenheid en aksiebelaaide manier van misdaadbekamping sorg elke episode vir ’n nuwe avontuur uit die goue era van Suid-Afrikaanse televisie.