Ballade vir ‘n Enkeling

Wanneer die talentvolle jong skrywer Jacques Rynhard die gesogte Basson-prys vir sy debuutroman, Die Enkeling, wen, daag hy nie by die oorhandiging op nie. Dit blyk gou dat Jacques spoorloos verdwyn het.

Die nuuskierige joernalis Carina Human begin ondersoek instel en ontdek dat Jacques se verlede gevul is met pyn, verwerping, verraad en donker familiegeheime. Deur onderhoude met die mense wat hom geken het, begin sy die verhaal van ’n eensame seun, sy besondere vriendskap met Jan-Paul Otto en sy liefde vir Lena Aucamp saamstel.

Hoe nader Carina aan die waarheid beweeg, hoe duideliker word dit dat Jacques se verdwyning met gebeure uit sy kinderdae verbind is — en dat sommige mense enigiets sal doen om die waarheid verborge te hou.